منتديات الحزين فلسطين

مرحبا بكم في منتديات الحزين فلسطين

احداث باب الحارة 6 احداث مسلسل باب الحارة الجزء السادس

شاطر

Alhazeen Palestine
المدير العام
المدير العام

الدولة: فلسطين
ذكر
عدد المساهمات: 8332
نقاط: 24132
تاريخ التسجيل: 27/02/2010

احداث باب الحارة 6 احداث مسلسل باب الحارة الجزء السادس

مُساهمة من طرف Alhazeen Palestine في الجمعة فبراير 04, 2011 4:53 am


احداث باب الحارة 6 احداث مسلسل باب الحارة الجزء السادس
باب الحارة 6 الجزء السادس
احداث باب الحارة 6
باب الحارة الجزء السادس
صورة مسلسل باب الحارة 6

باب الحارة 6 صورة توضيحية
اسم العمل
باب الحاره " الجزء السادس "

تاليف
شمس الانتر

طبيعة العمل
اجتماعي -شامي

الشخصيات
عباس النوري / بسام كوسا / صباح عبيد / وفيق الزعيم !! واخرون

ملخص عن العمل
العمل استكمال افتراضي لما انتهت عليه احداث باب الحاره في جزئها الخامس" الحقيقي "

تصميم الحلقات
Ana Zour hassan / فن وذوق اكيد الهلال / superboy legend / Peter 13


تنسيق الحلقات
شمس الانتر

مدقق اللهجه الشاميه
BaSeL AuBi

المشرف المسؤل
باكي العراق الضاحك

اهداء الكاتب
الى اعضاء ستار تايمز عامه وقسم المسلسلات العربيه خاصه





تحيه طيبه ملؤها الشوق والمحبه !!
تحيه !!تموج في اعماق القلب كبحر هائج زلزل شواطيء الحنين للقياكم من جديد !!
تحيه !!ملؤها الشغف !! الانتظار !! اللهفه !!
لهفة وعشق المحبين لباب الحاره بكل حسناته ومساوئه !! بكل احزانه وافراحه !! بكل اجزائه ومفرداته !!


وكما وعدتكم سابقا احبتي بانني سوف اكتب جزء جديدا لباب الحاره !! فها انا اوفي بوعدي باذن الله ! وها انا معكم في الموعد !!
لنكمل ما انهاه الكاتب القدير كمال مره والاخوين الملا !! بطريقتنا الخاصه وعواطفنا البريئه وحدسنا البسيط !! وحبكتنا المتواضعه !!

بلا شك هناك معارضين لباب الحاره وقد ملوا من تكرار اسمه عبر سنوات خلت !! ولكن بلا شك ايضا فان هناك محبين استهوتهم الحكايه والفكره ويمنون النفس ان تستمر هذه الاعجوبه علىمدار السنين !!

كنت قد كتبت سابقا حلقات افتراضيه للجزء الخامس قبل عرض الجزء الخامس الحقيقي !! وكان استكمالا لما انتهت عليه احداث الجزء الرابع الحقيقيه !! واليوم ساكمل معكم احداث الجزء الخامس " الحقيقيه " بطريقتي الخاصه !! فكما قلت سابقا !! الكاتب القدير كمال مره والمخرج بسام الملا صاغوا جزءا رابعأ بطريقتهم فانا صغت الخامس بطريقتي !! وقد صاغوا الخامس بطريقتهم !! وها انا اصوغ السادس بطريقتي !!

وكالمعتاد وكما تعودتم مني في كتاباتي السابقه من" باب الحاره 5 " وكذلك مسلسل " ما بين الصداقة والحب " !! والذي تجنبت فيهما لعي النساء والمشاهد الغير مهمه ،، فانا اؤكد ذلك عبر هذا الحزء من حلقات باب الحاره 6 بحيث ساتجنب مشاهد النساء الغير مفيده وكذلك المشاهد الجانبيه الغير مؤثره بالاحداث !! الا ما اضطر اليه !!
فتحيتي لكم وامل ان تنال هذه السلسه اعجابكم وتحوز على رضاكم !!



للتذكير احبتي !!
هذا ارشيف اعمالي بالمنتدى ... وصله لسهولة التصفح

اسم المسلسل الوصله

باب الحارة 5
ما بين الصداقة والحب



احبتي !! واجب علي قبل البدء ان اقدم شكري وامتناني للاخوه المشرفين الافاضل والذين اتاحوا لي هذه الفرصه لاظهر بينكم على هذا الشكل !! واخص بالشكر هنا المشرف العزيز " مسؤول الاعمال الدراميه في منتدى المسلسلات العربيه الاخ " باكي العراق الضاحك " " مناف " والذي كان ولا يزال خير سند في هذا العمل

وبالطبع لن انسى طاقم العمل والذي يعمل معي لاخراج هذه الحلقات بهذا الشكل
الاخوه المصممين :- Ana Zour hassan / فن وذوق اكيد الهلال / superboy legend / Peter 13
مدقق اللهجه الشاميه الاخ :- BaSeL AuBi

فكل الشكر لهم لما بذلوه ويبذلوه من جهد في رقي هذا العمل وهذه الحلقات


مسابقة باب الحاره

اخواني الكرام !! وكما وعدتكم فستكون هناك مسابقه خاصه بباب الحاره !!
حيث ستكون المسابقه عباره عن سؤال واحد لكل حلقه !!

شروط المسابقه
1- يحق للجميع المشاركه باستثناء الاخوه المشرفين وطاقم عمل باب الحاره
2- الاجابات تكون في نفس الحلقه
3- تنتهي مسابقة كل حلقه مع عرض الحلقه التاليه
4- يسمح للعضو المشارك بالاجابه مره واحده عن السؤال في الحلقه الواحده

طريقة احتساب النقاط
سيتم احتساب النقاط لاول عشرة اعضاء يعطون الاجابه الصحيحه !! حيث سيمنح الاول 10 نقاط والثاني 9 نقاط والثالث 8نقاط وهكذا

الجوائز
بنهاية المسلسل سيتم جمع النقاط لكل عضو تحصل على نقاط في كامل الحلقات وليس بالضرورة ان يشارك العضو في كل الحلقات !! لكنه ان فوت حلقه فبالتاكيد سيضيع فرصة الحصول على نقاطها !!
وبذلك سيتم تكريم اعلى ثلاث اعضاء حصلوا على نقاط !!
الاول : وسام 30 نقطة تميز
الثاني : وسام 25 نقطة تميز
الثالث : وسام 20 نقطة تميز

بقي ان انوه بان السؤال سيكون بنهاية كل حلقه
بالتوفيق للجميع


وقبل الخوض في غمار هذا الجزء الجديد نذكر بما انتهت عليه احداث الجزء الخامس !!
فبعد كشف مامون وقتله امر ابو حاتم كل من ابو ديبو وابو شاكوش بان يذهبوا للنمس للقيام بقتله !! وكذلك اظهر ابو جودت نيته الاستقاله من منصبه خوفا على حياته !! وايضا اعتقل ابو ذراع بحجة قتل ابو شهاب بعد اعترافه بذلك على الرغم من اسقاط اهل القتيل حقهم !! ولا ننسى ان شباب الحاره قد هموا للذهاب لانقاذ ابو عصام من الاسر
تابعونا لنكشف حقيقة كل شيء ونحل كامل العقد باذن الله !!
وليس ذلك فحسب !!بل ستولد عقد واحداث جديده وخطيره ومهمه !! تابعونا

اود ان الفت انتباهكم الى ان هذا العمل سيكون من بطولة " عباس النوري ، بسام كوسا ، صباح عبيد ، عبد المنعم عمايره ، وفيق الزعيم ، وائل شرف، قصي خولي ، والكثير من نجوم باب الحاره السابقين "

فاهلا وسهلا بكم احبتي !!



باب الحاره " الجزء السادس " " الحلقه الاولى "

المشهد الاول / التخلص من مامون بيك " الملازم نمر "


بعد ان قام اهل الحاره بقتل مامون بيك وحمل جثته الى خارج الحاره !! تقدم كل من معتز وابو ذياب في وسط الجموع !!
وقال ابو دياب : يا رجال !! وهلا صار لازم نروح نخلص عمي ابو عصام من الاسر !! وانا بعرف انه عمي ابو عصام غالي عليكم كلكم !!وياللي ما بيحب ابو عصام نحنا مو بحاجه لاله !! وتاكدوا انه كل واحد بدو يجي معنا يروح يودع اهله لانه يمكن ما يرجع !! فاللي خايف بلا من جيته !
معتز : واللي مفكر يرجع بدون ابي كمان بلا من جيته !! نحنا رايحين على الموت يا رجال !!لا بنرجع ومعنا ابي !! او منموت كلياتنا !!
وهنا يصرخ رجال الحاره وتعلوا هتافاتهم وعزمهم بالقدوم والمشاركه !!
ويرفع ابو حاتم سلاحه ويقول : قولوا الله يا رجال !! " وتنطلق زغاريت النساء ترافقها صيحات الرجال "
ابو حاتم : يا رجال !! هلا بدنا نروح عالغوطه جماعة ابو احمد ورجال حارة الماوي وابو النار والمسكي عم يتظرونا هنيك !!
ويوجه كلامه لا ابو ديبوب فيقول له : ابو ديبو !! انت وابو شاكوش وحدو !بلا ما تطلعوا معنا !!
ابو ديبو : ليش يا عمي ابو حاتم !!شو ناقصنا !! ولا مالنا قد هالمهمه !!
ابو حاتم : يا باااطل !! قدها وقدود يا ابو ديبو ! بس انتوا عليكم مهمه هلا ولازم تنفذوها وعلى الحارك !! ما لازم يطلع الضو على النمس !!
ابو ديبو : صار عمي ابو حاتم صار !!
وينطلق رجال حارة الضبع الى الغوطه !!للاستعداد لتحرير ابو عصام !!فيم يتوجه كل من ابو شاكوش وابو ديبو وحدو الى النمس بغية قتله !!
عصام يتوجه لفريال خانوم !!
عصام : مرت عمي !! خلي لطفيه تنام عندك الليله !!ما منعرف شو رح يصير معنا !! وهلا ببعث فايزه وهدى عند امي
فريال : الله يحميكم وينصركم يا حق !!ويرجعكم سالمين


المشهد الثاني / النمس وتفكير عميق في بيته !!


جلس النمس في مخباه واخذ يفكر !! ويقول : العمى !! هلا بكونوا اهل حارة الضبع شختوه لمامون بيك !! واكيد بكونوا عرفوا اني كنت بعرف كل شي !!ولييييييييي!! والله رحت فيها يا نمس !! وبعد صمت لبرهة من الوقت !! يقول : أي لا !!كيف بدهم يعرفوا مكاني !! هالمكان ما بيعرفه حد غيري انا وابو شاكوش !!
" ويصمت فجأه وكانه تذكر شيئا " : ولي ابو شاكوش !!شو بيضمنلك يا نمس انه ابو شاكوش ما يحكيلهم عن مكانك؟؟



المشهد الثالث / مكتب الكوموندان !!



جاء احد الجنود للكوموندان واخبره بان الملازم نمر تم قتله على ايدي رجال حارة الضبع !!الكومندوام تظهر ملامح الغضب عليه
ويقول: توقعت هالشي ! لانه هاد نمر طلع واحد غبي !! خساره !! خساره كبيره !! كنا راح نتخلص من الشي اللي اسمه حارة الضبع
ويتابع : اسمع شو بدي احكي !! نادي على الملازم فادي وجهز قوة عسكريه كبيره وخليها مستعده !!
الجندي : امرك سيدي !!

المشهد الرابع / هروب النمس !!

جاء كل من ابو شاكوش وابو ديبو ومعهم حدو الى مخبأ النمس !! وكانوا يحملون الخناجر بايديهم !!! دخلوا على مخبأ النمس فلم يجدوه !! بينما كان النمس يرقبهم من بعيد وقال في نفسه : له يا ابو شاكوش !! شو عليه !!دواك عندي !!
وانتوا يااهل حارة الضبع !! بدكم تخلصوا مني؟؟؟ ولكون انا النمس ياللي ما بتسوا عنده فلس !!

المشهد الخامس / حارة الضبع


ابو بدر : شيخي !! ليش الشباب ما اخدونا معهم !!
الشيخ عبد العليم : اولا يا ابو بدر انت بعمرك ما حملت سلاح !! تاني شي الحاره لازم يضل فيها رجال !!ما بصير نترك الحريم لوحدهم !! وما منعرف شو راح يصير مع شباب الحاره
ابو بدر : وليي!! " ويبدا بالبكاء " ويقول : يعني شباب الحاره راح يموتوا ما راح يرجعوا؟
الشيخ عبد العليم : تف من تمك يا ابو بدر !! بعون الله بيرجعوا كلهم سالمين ومعهم ابو عصام !!
ابو بدر : شو عمتخربط شيخي !! ابو عصام مات !! شو بدو يرجعوا معهم؟؟
الشيخ عبد العليم : ابو بدر؟؟ وبعدين معك !! شو نسيت انه ابو عصام لساه عايش وموجود هلا بالاسر ؟؟
ابو بدر يشعر بخيبته ويقول : ايوا !! اتذكرت !! هلا عرفت ليش الشباب طلعوا من الحاره !!
وهنا يعود ابو ديبو ومن معه !!
الشيخ عبد العليم : الحمد لله على السلامه يا رجال
ابو ديبو : الله يسلمك شيخي !! ويتابع : النمس هرب !! ما لقيناه !!
الشيخ عبد العليم : لا حول ولا قوة الا بالله !!
وفي هذه اللحظات تصل قوات الدرك للحاره بقيادة الملازم فادي !!
الشيخ عبد العليم يخاطب من بقي حوله من الرجال : اسمعوا يا رجال !! اوعى حدى يجيب سيره او يحكي كلمه عن شباب الحاره ووين راحو !!



المشهد السادس / وصول الشباب الى الغوطه !!


جلس بعض من شباب الحاره على شكل دائره وكان معتز قلقا !!
ابو حاتم : شبو العقيد !! قلقان مشان بكره !!
معتز : يعني مو كتير !! بس بالي مشغول على الحاره من بعد ما قتلنا مامون !! وخوفي يصير شي بهالفتره اللي رح نغيبها عن الحاره !!
ابو حاتم : وكل الله ابو العز !! الحامي الله !! باذن الله ما بصير الا كل خير !!
عصام يتكلم بمشاعر فياضه : معقول؟؟ !! معقول بكره احضن ابي ؟
يضع ابو دياب يده على كتفه مبتسما ويقول : ان شاء الله يا عصام !! باذن الله وبهمة الشباب راح تكحل عيونك انت وشباب الحاره بشوفة الحكيم !!
وان شاءالله بكره بيرجع معنا سالم ومعافى !! !!
ابو حاتم : المهم يا رجال !! خلينا نحط خطه لنخلص ابو عصام بكره !!



المشهد السابع /دخول الدرك لحارة الضبع
الدرك يملاء حارة الضبع وقد اخرجو كل من بقي من رجال الحاره من بيوتهم !!

الملازم فادي : شيخ عبد العليم !! وين رجال الحاره ؟؟
الشيخ عبد العليم : ما بنعرف عنهم شي !!
الملازم فادي : ممممم !! ليش قتلتوا مامون بيك !!
الشيخ عبد العليم : هذا مصير كل واحد بيدخل داسوس على الحاره ! وما تتوقع منا اننا نرحب فيه او نضيفه بعد كشفه ع حقيقته !!
الملازم فادي : اها !! يعني بتعترفوا بانكم قتلتوه !!
الشيخ عبد العليم : هاد مو اعتراف !! هاد شي بنفتخر فيه !!
وهنا يكرر فادي سؤاله : للمره الاخيره شيخ !! وين شباب الحاره ؟؟
الشيخ عبد العليم : بعد ما قتلوا مامون كلهم طلعوا من الحاره
وهنا يوجه الملازم فادي كلامه لمن حضر من الرجال : وين شباب الحاره ؟؟
امتنع الرجال عن الكلام ولم يجيبوه باي حرف !!
يشير الملازم فادي الى عناصره بان يقوموا باعتقال كل من ابو بدر وابو ديبو وابو شاكوش وكذلك ابو خاطر ومعم حدو !
ياخذوهم ومن ثم يخرجوا من الحاره !!



المشهد الثامن / الاستعداد


تمركز شباب حارة الضبع ومن اتى لمساعدتهم في موقع ستمر منه القافله التي تحوي معها ابو عصام !! واخذ كل الرجال مواقعهم استعدادا للحظة الحسم !!
ابو حاتم : يا رجال !! وقت اللي بتظهر الدوريه اوعكم حد يصوب على الدوريه اللي فيها ابو عصام !!
ابو النار : وشلون بدنا نعرف ابو عصام باي دوريه ؟؟
ابو دياب : انا بعرف كيف بتكون الدوريه اللي بسرجنو فيها المحابيس !!بمجرد ما توصل بنبهكن عليها !!
ابو حاتم : عشت يا ابو دياب عشت !! يا رجال ما حد يضرب اي رصاصه قبل ما اعطي الامر !!



المشهد التاسع / التحقيق !!


وقف الملازم فادي وبجانبه الكومندان !!ومن امامهم معتقلي حارة الضبع !!
وبدا الملازم فادي بالاستجواب !!
وين شباب الحاره يا ابو خاطر!!
ابو خاطر : ما بعرف !!
فادي : له يا ابو خاطر !! معقول ابنك برات الحاره وما بتعرف وينه؟؟
ابو خاطر : ابني خاطر ما عاد ولد صغير لاساله وين رايح ومن وين جاي !!
الملازم فادي : اممم شو يا ابو ديبو !! بعدك مصمم تضل ساكت ؟؟
ابو ديبو : اللي عندي حكيته !!
ينظر الملازم فادي لابو شاكوش !!ويقول له : وانت !! شو اسمك ؟؟
ابو شاكوش : انا ابو شاكوش !!
فادي : وانت شو جابك على حارة الضبع بهالوقت ؟؟
ابو شاكوش : خود واعطي !! خود واعطي !!
وهنا يضرب الكومندان الطاوله بيده " وكان يحضر التحقيق "ويقول بعصبيه" : هون ما في خود واعطي !! هون بدك تحكي كل شي عندك !! وين شباب الحاره ؟؟
ابو شاكوش يرتبك ويقول : خلص انا راح اعطي وما بدي اخذ !! انا كنت بزياره لقريبتي !! متزوجه هون بالحاره !!
وهنا ينظر الملازم فادي الى الكومندان فيشير اليه بتهديد ابو بدر!!
يقترب الملازم فادي من ابو بدر ويشهر سلاحه ويضعه على راسه !!
فيقول له : ابو بدر !! بتحكي وين راحو شباب الحاره ولا شو؟؟
ابو بدر يبدا بالعويل : والله والله ما بعرف !! والله ما بعرف !!!
فيشحن الملازم فادي سلاحه موهما ابو بدر بانه سيطلق عليه النار !!
ابو بدر " يصرخ " : راح بحكي ! بحكي يا سيدي راح احكي !!
ابو خاطر صارخا : لا يا ابو بدر!! اوعك تحكي شي !! اوعك !!
الملازم فادي : احكي يا ابو بدر لا ترد على حدا !! وان حكيت راح تطلع فورا وارجعك لبيتك !!
ابو بدر " يتردد وهو خائف " : شباب الحاره راحوا !! راحوا ليخلصوا !!
فادي" بالحاح " : يخلصوا شو احكي !!
ابو بدر : راح يخلصوا على النمس !!!!
فادي : ومنو هادا النمس !!
ابو بدر : ما بعرف ! سمعتهم بدهم يروحوا يقتلوا واحد اسمه النمس وما بعرف مين هو !!
ينظر الكومندان الى فادي بتعابير غير مقتنعه !!



المشهد العاشر / تخليص ابو عصام !!
وصلت القافله العسكريه التي تقل ابو عصام !! فيشير ابو دياب للرجال الى الدوريه التي تقل ابو عصام !! لحظات ويقترب الموكب !! فيعلن ابو حاتم النفير ويصرخ باشارة البدء !!
تبدا المعركه واطلاق النار المتبادل وسط ارتباك الدرك الفرنسي !!
يسيطر الرجال على الموقف وقد استشهد كل من ابو احمد وسمعو وبعض من الرجال !! بالمقابل قتل من قتل من الدرك الفرنسي والبقيه القوا سلاحهم معلنين الاستسلام !!
اقترب الرجال من الدوريه التي تقل ابو عصام !! وكان اول من وصل اليها كل من معتز وابو دياب !!
يرى معتز اباه في الدوريه وقد كان مقيدا وقد كبرت لحيته !!

ابو عصام : معتز ؟؟؟؟؟؟؟؟؟؟؟؟؟؟
معتز وسط حالة من المشاعر المختلطه يبدا بالبكاء ويحضن اباه بشده !!ومن ثم يبدا العناق " ابو دياب / عصام / بقية الشباب "
ابو حاتم : يلا يا رجال خلونا نتحرك بسرعه قبل ما تجي المسانده !!
ينقسم الرجال قسمين !! قسم يذهب الى الغوطه بقيادة ابو دياب وحاملين معهم الشهداء والجرحى !!
والبقيه يعودون للحاره بقيادة ابو حاتم ومعتز !!



المشهد الحادي عشر / حالة نساء الحاره !!
ام عصام ببيتها وحولها بناتها !!



ام عصام " قلقه " : يا ربي !! شو صار مع الشباب !! شو صار مع ابوكم !! معتز !! عصام !!
دلال : طولي بالك يا امي !! ان شاء الله ما بتلاقيهم الا راجعين وكلهم سالمين !!
ام عصام : والله بالي مشغول كتير !! وخايفه كتير !!
بوران : يا امي روقي شوي !! والله حالنا متل حالك !! ان شاء الله رح يرجعوا بالسلامه !!
ام عصام : ما في حدى حاله متل حالي !! اللي شفته واللي بحس فيه ما في حدى جربه ولا راح يحس فيه !!
دلال : يامو !!ان شاء الله الليله الحاره راح تتزين بوجودهم !!
ام عصام : ولي يامو !! الحاره ؟؟؟
بوران : شبك يامو
ام عصام : يا خوفي الدرك يكونوا بالحاره واذا ابوكي قدر يفلت من الاسر يلاقوهم عم ينتظروهم بالحاره !!
دلال : لا يامو !! لا تحكي هيك !! بعون الله ما بصير شي من اللي بتحكيه !!
ام عصام : ان شاء الله يا رب !! ان شاء الله !!

المشهد الثاني عشر / مكتب الكومندان
جاء هاتف لمكتب الكومندان


الكومندان : الو !!
شووووووووووو !! شو عم تحكي ؟؟؟ ابو عصام ؟؟
ويغلق الهاتف بعد غضب شديد " وبعد تفكير يطلب الملازم فادي"
يدخل فادي على الكومندان ويلقي التحيه !!
الكومندان : اسماع يا فادي !! بتخلي سبيل رجال حارة الضبع وبتخليهم يروحوا للحاره !!
فادي : شو السبب سيدي!! شو صار ؟؟
الكومندان : اعمل متل ما عمقلك !! انا عرفت وين راحوا شباب حارة الضبع !!
فادي : وين سيادة الكومندان ؟؟
الكومندان : شباب الحاره !! راحوا ليفكوا اسر ابو عصام !! ويبدو انهم نجحوا بهذا الامر !!
فادي : ابو عصام ؟؟ مين ابو عصام؟؟
الكومندان : مو مهم تعرف !! المهم اعمل اللي قلتلك عليه !!
فادي : سيدي نبعت قوه تكمن لشباب الحاره جوا الحاره او قريب منها !!
الكومندان : لا يا فادي !! ما بدي حدى يتعرض لشباب حارة الضبع اثناء عودتهم !! بدي اياهم يدخلوا للحاره بشكل طبيعي !!
فادي : السبب سيدي ؟؟
الكومندان :بدي احاصرهم جوا الحاره واهدم الحاره عليهم كلهم !!
فادي : سيدي !! جربنا الحصار من قبل وما نفع معهم !!فالافضل ننتظرهم قبل ما يرجعوا !!
الكومندان : لا فادي !! يمكن نخسر خساره كبيره لو عملنا هالشي !! لكن بالنسبه للحصار فنحنا تعلمنا من المره الاولى !! وراح نقوم بتسكير كل ممر وكل قرنه بيدخل هوا منها للحاره !!
نفذ فورا !!



المشهد الثالث عشر / قلق فريال خانوم !!
كانت فريال خانوم ببيتها قلقه ومعها ام زكي !!


فريال : ولي على حظي !! انا فريال خانوم بنت الحسب والنسب يصير فيي هيك ؟؟ اتجوز واحد داسوس وخاين؟؟
ام زكي : طولي بالك فريال خانوم !! مو بس انتي اللي انضحك عليك !! كل الحاره انضحك عليها من كبيرها لصغيرها !!
فريال : بس مو كل الحاره تجوزته !! انا يا ام زكي انا !!! وين بدي ودي وشي من الناس؟؟
ام زكي : طولي بالك !! خلص هو انكشف وانتي اللي قوستيه بايدك !! وبعدين ما حد بيسترتجي يحكي عليكي أي كلمه !!
فريال : صحيح مامون مات !! بس خايفه هالقصه ما تمر على خير !!



المشهد الرابع عشر / عودة ابو عصام
كان ابو بدر والشيخ عبد العليم وكذلك من بقي من رجال الحاره ينتظرون على مدخل حارة الضبع وكلهم قلقين على مصير شباب الحاره !!
وفي لحظه جاء حدو مسرعا !! وقال : الشباب رجعوا يا شيخ عبد العليم !! رجعوا سالمين ومعهم ابو عصام
يغمرهم شعور بالفرحه ويدخل رجال الحاره وسط صيحات وزغاريت وفرحه غامره !! وتبدا لحظات الاستقبال الحافل والتسليم على ابو عصام !!


ابو عصام يتامل الحاره وقد اغرورقت عيناه بالدموع واقترب من احد جدرانها وقام بتقبيله ومن ثم بكى وسجد على الارض !!
ابو حاتم : يا رجال خلو ابو عصام يروح يرتاح ببيته اكيد بكونوا الأهل ناطرينه على نار !!
يذهب ابو عصام وابنائه الى البيت والفرح قد عم الجميع !!
الشيخ عبد العليم : ابو حاتم !! شو بدي اقلك !
ابو حاتم : تفضل شيخي !!
الشيخ عبد العليم : الدرك كان هون بالحاره واعتقل الشباب !! وبعدين فرجوا عنن بدون أي سبب !!
ابو حاتم : يا لطيف !! وشو كانوا بدهم ؟؟
الشيخ عبد العليم : سألوا عن مامون وعنكم !!
ابو حاتم : وشو عرفهم باللي صار لمامون !!
الشيخ عبد العليم : ما بعرف !! بس العيون الفرنساويه كتيره !!
ابو حاتم : والله انا مو مرتاح للي صار بنوب !! شية انه ياخدوهم وبدون سبب يفرجوا عنهم هاي مو لـ الله !!
حاسس انه الفرنساوي مخبيلنا شي وما راح يمرق هالليله على خير !!
وينادي ابو حاتم على ابو ديبو : ابو ديبو !!
ابو ديبو : امرك عمي ابو حاتم !!
ابو حاتم : اصرف ابو فارس وخليه يتيسر لبيته !!
ابو ديبو : خير عمي ابو حاتم !! شبو ابو الفوارس؟؟
ابو حاتم : ما بو شي !!! بس خايف الفرنساوي اليوم يعمل شي عمله !! مشان هيك بلا ما يتورط معنا بأي شي وخليه يتيسر لبيته !! وبس يطلع من الحاره بتسكروا باب الحاره وما تفتحوه لاي مخلوق يخلق !!
ابو ديبو : امرك عمي ابو حاتم !!
ابو حاتم : عبدو !!
ياتي عبدو مسرعا : امرك عمي ابو حاتم !!
ابو حاتم : بتخلي الشباب جاهزين وكل واحد معه سلاحه !! ما بدي حد يبات ببيته الليله !
حاس انه الفرنساوي ما راح يمرقها على خير !! وخلي عيونكم مفتحه على عشره الليله
عبدو : صار عمي ابو حاتم



المشهد الخامس عشر / ابو عصام يدخل بيته !!



دخل ابو عصام بيته بعد فراق طويل وكان بجانبه كل من معتز وعصام !!
ابو عصام تبرق عيناه فيما انطلقت بناته اليه في لحظة من اطفاء الشوق الملتهب في الضلوع لسنوات طويله !!
ام عصام تنظر اليه وتبادله النظرات وبحر من الدموع يفيض من عينيها !! ويتم اللقاء المنتظر !!



المشهد السادس عشر / مكتب الكومندان !!
جاء احد جنود الدرك للكومندان !


الدركي : سيدي !!
الكومندام : شو في احكي !!
الدركي : ابو جودت مسؤول الاربع حارات قدم استقالته !!
الكومندان : ابو جودت ؟؟!! خساره !!
على كل منيح اللي اجت منه !! لانه الحارات صار بدها واحد تاني غير ابو جودت !!
صار لازم حارة الضبع تتمنى لو ضل ابو جودت بمركزه !!
ويتابع : بتقدر تروح على شغلك
الدركي : احترامي سيدي !!




المشهد السابع عشر / بيت ابو عصام !!



ابو عصام : لك يحرق حريشك يا عصام !! تلاته مره وحده ؟؟
عصام خجلا : لا يا بي !! مو مره وحده !! يعني فيك تقول بالتقسيط !!
" يضحك الجميع " فتقول هدى : والله يا عمي عصام مو موفيه معه تلاته !!وباينته عينه على الرابعه !!
ابو عصام : لييييييك !! معقول يا بي؟؟
عصام : لا يا بي ! بس انا كنت عم كيدهم !! وفهمن ان وجعولي راسي رح جبلهم الرابعه !!
ابو عصام : الله يرضى عليك يا ابني !!دير بالك على حريماتك !!
ويتابع : أي ابو العز !! وانت شو عندك هلا ؟
معتز : والله يا بي انا ناطر ابني جود !! وباذن الله كم شهر وبيطل علينا !!
ابو عصام : الله يتمم على خير يا بي !! بدي اياه يطلع زكرت وابضاي شيتك !!
معتز : لكان يا بي !! زكرت وابضاي وسيد الرجال متل جده !!
خيريه : أي عمي !! مو بس هيك !! كمان عقيد متل ابوه
ابو عصام : عقيد متل ابوه ؟؟ شلون هاي؟؟
جميله : صحيح نحنا ما قلنالك بانه معتز صار عقيد الحاره ؟؟
ابو عصام يقف فجاه ومن ثم يقول : عقيد الحاره؟؟ شلون هي ؟؟ وابو شهاب؟؟

وهنا تنتهي احداث هذه الحلقه

ولا زلنا بالبداية احبتي !! واحداث اليوم ماهي الا تهيئه لاحداث ناريه تنتظركم في الحلقات القادمه
لا تنسوا الموعد احبتي !! سنكون معكم باذن الله كل يوم جمعه وثلاثاء من كل اسبوع
والان مع ....


سؤال الحلقة الاولى


كيف ستكون ردة فعل ابو عصام على قضية تولي ابنه معتز عقادة الحاره ؟؟
1- سيبارك هذه الخطوه
2- سيعارض الامر وبشده
3- لن يهتم او يعلق على الامر

مع تحيات اسرة باب الحاره 6


عدل سابقا من قبل Alhazeen Palestine في الأربعاء يوليو 13, 2011 2:55 pm عدل 1 مرات


־־−ـ…_‗آلتـ ــ ـوقـ ـيـ ـعֺـ‗_…ـ−־־

elcapoo saifeddine
عـضـو جـديـد
عـضـو جـديـد

الدولة: تونس
ذكر
عدد المساهمات: 1
نقاط: 1
تاريخ التسجيل: 01/07/2011
العمر: 20

رد: احداث باب الحارة 6 احداث مسلسل باب الحارة الجزء السادس

مُساهمة من طرف elcapoo saifeddine في الإثنين يوليو 11, 2011 2:42 am

فين الحلقة الثانية؟؟؟ Exclamation

Alhazeen Palestine
المدير العام
المدير العام

الدولة: فلسطين
ذكر
عدد المساهمات: 8332
نقاط: 24132
تاريخ التسجيل: 27/02/2010

رد: احداث باب الحارة 6 احداث مسلسل باب الحارة الجزء السادس

مُساهمة من طرف Alhazeen Palestine في الإثنين يوليو 11, 2011 5:40 pm

اذا حصلنا عليها وتوفرت سنقوم بوضعها في المنتدى
مشكور اخي على المرور العطر
منور المنتدى
تحياتي


־־−ـ…_‗آلتـ ــ ـوقـ ـيـ ـعֺـ‗_…ـ−־־

النمر الاسود
نائب المدير
نائب المدير

الدولة: فلسطين ـــ خانيونس
ذكر
عدد المساهمات: 1773
نقاط: 2100
تاريخ التسجيل: 08/04/2010
العمر: 24

رد: احداث باب الحارة 6 احداث مسلسل باب الحارة الجزء السادس

مُساهمة من طرف النمر الاسود في الثلاثاء يوليو 12, 2011 10:26 pm

مشكور يا ابو احميد بس يمكن ما ينعرض السنة هادي يمكن السنة الجاية ودي واحترامي


־־−ـ…_‗آلتـ ــ ـوقـ ـيـ ـعֺـ‗_…ـ−־־

    الوقت/التاريخ الآن هو الإثنين نوفمبر 24, 2014 10:22 am